按摩課的老師聲線平平，長篇論述的說話節奏一直讓人昏昏欲睡，不知是不是只有我有如此想法。領教過第一課之後，我通通課前先補充咖啡因，避免為本以不足的天資再添障礙。

如此提振精神，老師的說話、同學的提問自是全盤接收。課堂上，一名男同學問道：「中醫推拿是否需要脫衣服？」以按摩迷的常識推理：除非推油，其他無肉體接觸的按摩手法，根本無需脫。

老師的回答自是跟我想的一樣，不過沒有想過是，老師竟有這樣的補充：「不是只有脫衣服的人吃虧。」意思是按摩技師與被按者有身體接觸，脫衣按摩技師承擔風險同樣高，有機會因處理不當造成誤會，遭指控。

相信與老師是男性及多年按摩經驗影響，難怪課堂上相當注重「男女有別」，避免因為教學的接觸而造成誤會，多次強調按摩技師在從業時與異性按摩的宜忌，實屬體貼。

肥龍

寫在按摩課學習後

註：沒有按摩的日子，肥龍從被按摩變成了學按摩，從泰式按摩到中式推拿，希望從學習中了解按摩多一些。

• 

時時都有見網站有幾多蚊樓下嘅按摩介紹，$300蚊樓下、$200蚊樓下，咁到底低至$150蚊有無選擇？拆解之前幫襯過咁多間骨場，$150蚊唔止可以按身，仲可以推油添！

平霸冠軍—灣仔懷舊風泰骨蟬聯
連續幾次平價評比都係冠軍，按腳係最平，$150蚊樓下按身都係最平。$118有45分鐘泰式按摩，雖然環境唔係美輪美奐，但全泰國師傅、距離地鐵站5分鐘腳程，無論價錢定地點都無得輸。

平霸亞軍—灣仔平價樓上泰骨
輸個馬鼻，同冠軍只係相差$10蚊雞，$128有45分鐘泰式按摩。同樣在灣仔，同樣近地鐵站。綜合多次幫襯，亞軍同冠軍哥差距除咗$10，就係床窿嘅乾淨程度，冠軍平少少又乾淨少少，亞軍差咗丁丁，太耐無回購，唔知有無改善。

平霸季軍—旺角熱門推介Shocking Pink
終於有九龍，九龍與灣仔同樣嘅45分鐘、同樣嘅泰式按摩，過咗海就已經需要畀多$20蚊，45分鐘$148嘅泰式按摩。唔可以話貴，只係對手太強，真係無辦法。

點解三間都係泰式，中式價錢唔夠平，有無造馬？中式其實係貴少少，$150能夠按身嘅，根據肥龍同骨精強過去嘅實測，中式選擇等於零。

數據來自所有肥龍與骨精強嘅測試，部分場地無拍攝價錢則不在評選範圍，評比骨場有29間，15間泰式，14間中式。

又話有推油？真係有！平霸冠軍的懷舊骨場，在15間泰式骨場入面唯一做到$150樓下推油，$138有45分鐘推油，完全係跳樓價。

平就夠平，但質素好唔好？以肥龍嘅偏好作為指標，灣仔懷舊風同旺角Shocking Pink都真係值得一試，如果小資女平價按摩聚會，呢兩間又平交通又方便直頭係爽歎！

肥龍
（所有價錢依照肥龍同骨強幫襯時拍攝資料，及骨友報料嘅加價資料整理而成，價錢以骨場標價為準，有疑問就打畀骨場問咗先）

地址請往Facebook, 留「PM」
150蚊樓下的按摩選擇 http://bit.ly/2VhEqI8

延伸閱讀
～季軍—每一次就是回購
旺角-泰式""泰過好景"" https://goo.gl/8Sa9TX
旺角-泰式""泰過好景"" (新分店)https://goo.gl/vPQWXR
旺角-泰式-泰過好景 (新分店)肥龍首幫襯驚艷https://bit.ly/2SMAJsU
～亞軍
灣仔-泰式"泰過近" -平價泰骨https://goo.gl/Gnsx3Y
～冠軍
灣仔-泰式"泰過懷舊"肥龍篇-平價泰骨https://goo.gl/8gH25o
灣仔-泰式"泰過懷舊"骨強篇-平價泰骨https://goo.gl/NNaiTK

#肥龍 #數字會說話 #按摩不是奢侈品 #按摩是生活 #平價按摩 #走過骨場大地 #灣仔按摩 #旺角按摩

「師傅，我們早咗到，可否提早開始？」多數骨場都會同意，就算唔開始都會畀客人坐住等。不過，呢度完全唔係。「唔得！師傅未食飯，你哋準時上嚟！」

未見其人，先聽其聲，睇嚟場主都係性格小生。平民泰式按摩在福華街，正是深水埗站B2出口兩分鐘腳程，街道燈光火著，單身女獨自按摩都係安全。

骨場唔算大，按摩床排得密密麻麻，有7張床，親朋好友兩、三個一齊約局按摩，應該都安排得到傾計位。但留意床位係用唔高嘅門簾間隔，普通衫夾夾住，私隱度要自己留意返。

廁所環境相對擁擠，如廁尚可，要用設備比較簡陋嘅花灑沖身就要諗諗先。如果推油後一定要沖涼嘅朋友，將就下都勉強可以，唔好諗住嘆。期望設定係家庭式，就唔會太過驚訝。

按摩床有大有細，大粒嘅骨強瞓大床、細粒嘅肥龍瞓細床，床乾淨、與床窿之間有一次性墊紙，無怪味。每張床嘅天花板都有柱，擺明全部都係踩背好手。

一如既往嘅泰國師傅，一如既往嘅推油，推油L的常態。「師傅一出手，就知有沒有。」厚而有力嘅雙手推在後背的骨肉，劈劈啪啪，感到被刺激而無痛楚，力度恰到好處，不陰柔卻也非毫無節制嘅猛力。

推完筋骨就踩背，師傅真係無特別問，不過開始踩幾下，唔覺得特別重力，有控制嘅感覺特別深得我心。再三強調，肥龍追求無痛按摩，舒筋活絡而不會被強力拉傷。追求重力者，要自己同師傅講。

過程一直都好嘈，好多客人出出入入，師傅又跨床傾計。師傅推油推得好好，推咗十幾分鐘，已經精神放鬆、沈沈睡去，無理隔離骨強被拉到大叫，瞓到被叫醒翻身，睡眼惺忪望下個鐘，都瞓咗一個鐘。

休息得好，心情特別舒暢，埋單120分鐘推油$356，仍然有筆直畀貼士。溫馨提示，咁旺場、價錢咁親民嘅泰式按摩，都係預約比較好！

肥龍
＝＝＝＝＝＝＝＝＝＝＝＝＝＝＝＝＝＝

骨場名稱：泰開心(化名)
骨場地址：深水埗福華街某一樓
按摩日期：2019年5月頭
是次消費：推油120min=$356
＝＝＝＝＝＝＝＝＝＝＝＝＝＝＝＝＝＝

延伸閱讀：
區區有骨場其他系列 https://goo.gl/Ygn3JW

地址請往Facebook,留「PM」
https://www.facebook.com/120301465326440/posts/319514892071762

#深水埗 #區區有骨場 #泰式按摩 #特別鳴謝骨友推薦 #平價按摩推薦 #肥龍

前前後後介紹七個泰人泰式骨場，好多骨友已經幫襯完，或公開或私下包膠咗畀肥龍同骨強知道，好嘅地方相信都無需要多提，伏位稍後會整理完再話返畀大家知。

不過，在眾多嘅評論入面，可以稍稍選出幾個最少負皮嘅骨場畀大家參考。

第一位：九龍城Thai Thai(化名)
小評：揼筋贏盡掌聲，唔話得上最平，不過好多骨友都係Book返我哋推薦嘅師傅，伏極有限，揼完大推，穩佔第一位

第二位：旺角泰國好景(化名)
小評：幫襯過嘅大部分都覺得唔錯，但讚賞度唔及第一位，無論新店舊店，師傅平均質素穩定，輸個馬鼻

第三位：太子泰有緣(化名)
小評：地點便利，幫襯人數多，Book返推薦師傅嘅骨友，讚賞度仍然相當高，可惜環境嘈吵少少、其他師傅質素就無咁穩定，只能夠佔第三位

資料結集數十位骨友評論

肥龍

＝＝＝＝＝＝＝＝＝＝＝＝＝＝＝＝＝＝

延伸閱讀
區區有骨場其他系列 https://goo.gl/Ygn3JW
九龍城-泰式Thai Thai https://goo.gl/xpPnk6
旺角-泰式"泰過好景" (新分店) https://goo.gl/vPQWXR
旺角-泰式"泰過好景" https://goo.gl/8Sa9TX
太子-泰式"泰有緣" https://goo.gl/kbxm3c

地址請往Facebook,留「PM」 負評最少的泰式 https://goo.gl/LM4dt9

 

故事發生在「茶餐廳」，這是一家其貌不揚、貼地到了地核的本地小型骨場。從來這種骨場都是臥虎藏龍，骨師來自五湖四海，從四川妹子到印尼華僑。

店裡有一個人外貌尤為出眾，這裡的出眾指的是以大媽林立的骨界而言。皮膚白皙、五官精緻，尖細的聲音帶著溫柔，大概是有點做店花的潛質。

某個陽光燦爛的午後，一個高大的外國人走入店中，與骨場本土的風格大相徑庭。言語不通的他竟比手畫腳地指定了「店花」服務，狀如識途老馬。

除卻大幅度的拉筋稍惹人注目，外國人與「店花」根本零溝通。鬆骨後，外國人忽然問「店花」一些問題，一如預期地言語不通。

場內有好心人翻譯，原來外國人六年前曾經送過「店花」一瓶冰酒，那可是帶著無限甜蜜的禮物。肥龍愛酒，冰酒的甜確實帶著幸福感。

有人笑言ice wine，直譯是愛死，葡萄酒又寓意愛情，冰酒作為甜葡萄酒，大概是代表甜蜜的愛情。

外國人說：「酒，你喝了嗎？」店花一臉茫然，「什麼都沒有收到。他來的那天，我沒有上班。」外國人知道了，笑笑埋單就走了。

全店哄笑一堂，骨精與骨師亂笑一通。店花這才是說，這個外國人幾年前曾經追求過她，說很喜歡她，只是她不喜歡外國、只喜歡香港，讓一段可能是可歌可泣的愛情未開始就結束。

「這個（外國人）是好男仔，以前比較帥，現在也老了。他以前還叫我拍照，拍什麼鬼。」店花說著說著，又說出外國人是經營時裝店。肥龍疑惑，剛剛不是說語言不通嗎？背景資料如何取得？

事隔六年，這個外國人還是回來找她，還是問起當初的冰酒，還是闊綽地付了60元貼士，昔日的愛慕仍書寫在細節的點滴裡。他對「店花」的那點特別，還是讓旁人看到。

那酒到底在哪裡？誰喝了？沒有人知道。

肥龍

延伸閱讀
太子-中式「茶餐廳」Part1 https://goo.gl/k1CBho
太子-中式「茶餐廳」Part2 https://goo.gl/oB8CS7
區區有骨場 https://goo.gl/Ygn3JW

新蒲崗自從有豪宅盤連大型商場進駐後，周遭的商舖種類亦逐漸出現變化，但偏偏按摩地舖的選擇不多，來來去去只得一間做獨市生意，其餘只係上樓格局頗另類，所以對街坊嚟講，好攰唔想跨區按摩，真係得一間選擇。直至呢三個月，終於打破悶局，就係一街之隔，一間中式按摩地舖終於出世。

骨強收到風，當然又單拖去試吓先𥄫吓乜料，呢間舖收費同同區行家差不多，都係百幾蚊1part腳嗰種，始終係新場，內裡很新淨，按腳有八張梳化同埋兩間按摩房。按腳梳化都坐得我好舒服，靜靜地，雖然按腳位置冇競爭對手咁大，但尚算舒服始終裝修新，而按摩兩房的分體式冷氣是共用，所以兩房之間的間房木板不是到頂，可能隔音較差，但骨強當日揼骨時亦可進入夢鄉。至於洗手間衛生ok，但唔覺有得沖涼。

好喇，講吓骨師表現，骨火焚身的骨強，一入去已經大叫1 part腳 加part半身，呢個時候一位外貌娟好的女按摩師出現眼前，先旨聲明，我認為娟好係相比同行好少會有較後生嘅港女入行，所以她的出現令我眼前一亮，亦令我初時對她的功力有所懷疑，但一切經她落手後迎刃而解。

老實，在按腳上的功夫她表現一般，但按身卻出奇地舒服，她不是那種死鋤死鋤的人，而係慢慢地一下一下去按，由於她也是手部軟綿綿的，所以感覺頗舒服，當日骨強頭痛及頸痛，經她細心按摩後痛楚紓緩，不過最令骨強對她另眼相看的，是她敬業的精神。樣貌不錯的她，令骨強衝口而出問了一句：你點解做呢行嘅？我立刻同佢解釋我問係因為佢可以勝任其他冇咁用太多勞力嘅工作，好似美容師同時裝店 sales等，但她以燦爛笑容回答骨強，因為我覺得可以幫到人嘛！

就這一句，骨強真是很敬佩她，因為別看她年輕，原來雙手已經因長期用力按摩留下很多戰績，手指的關節位凸起，對此，她也很謙虛，反指很多前輩的勞損更嚴重。都係嗰句，骨強同肥龍很尊重用心的骨師，你哋的巧手，拯救好多人，無你哋真係好難展開一周新工作㗎！

骨精強

＝＝＝＝＝＝＝＝＝＝＝＝＝＝＝＝＝＝

又係九龍城，無錯，要揾泰式場，九龍城真係無走雞，豐儉由人，平場當然多人幫襯，但人總會有想豪吓想同另一伴慶祝的時候，今次介紹呢個中高檔次收費場，絕對係呢杯茶。

骨強肥龍係精明眼，但仍有去豪吓的心，有一次骨強生日，便去了這場開心一番。單從地舖門外看，你不會知道它是泰式spa場，它被一層薄薄類似椰子皮的牆紙覆蓋著，當打開門口，真係另一天堂，超泰式高貴優雅格局映入眼簾，一尊尊佛像，流水擺設，圓圓的藤椅，配襯微微的蠟燭燈光，真是超 relax, 地下一層就是按腳區，分成不同角落具私隱，按腳梳化當然是大大張，絕對係舒服寧靜格局。

 

＝＝＝＝＝＝＝＝＝＝＝＝＝＝＝＝＝＝

延伸閱讀：
區區有骨場其他系列 https://goo.gl/Ygn3JW

地址請往Facebook,留「PM」 九龍城-中泰雙式-Matter https://goo.gl/YPWXkm

今次講嘅呢個場，骨精強除咗孖肥龍去過太子分店外，自己都去幫襯過大角咀分店，所以呢篇分享可以綜合對呢間按摩連鎖店嘅感覺。

呢個中式骨場，走的是中級格調，價錢當然是比一般平場貴DD，但裝修有濃濃古典中國風，又畀人另一種書香感覺，以上兩間分店的按腳區位置都頗寬敞及寧靜，真的可以畀人靜靜休息吓。

 

地址請往Facebook,留「PM」太子-中式"手甜" https://goo.gl/UgiWYP

 

•